Idul Fitri

Wanto Tirta

NGENTENI BADA

wening hangening cipta
langen brayan dunya leleran
angen rinengga tibaning wayah

ngalor ngidul padha takon
kapan tekane wulan searit
kang bakal mimiti sedya
sumarahing raga lumering pangapura
lubering manah sepadha umat
padha wutah kangen
lur mulur sedulur endhong tresna

godhong nangka blopot pulutan

dokar andhong mlayu glondangan

bada teka pasrah keluputan

padha ngendhong akeh medhangan

kubah sumunar duwur mesjid
pralambang mustaka kinormatan luhur budi

bedug magrib kagayuh
kampret mabur kemlepat sendhekala

Allahu Akbar, Allahu Akbar...
adzan kumandang
pratanda buka puasa tumeka

adhem rasa adhem raga
sawise ngenteni sedina
nglakoni kewajiban

alhamdulillah

gelar klasa neng jero guwa

guwa lawa nyambi tembangan

sewulan puasa nggayuh taqwa

dina riaya dina kemenangan

kracak, 6 Agustus 2013 M/28 Romadhon 1434 H

 Wanto Tirta

IDUL FITRI

memandang langit
sibak awan
bulan melambai
memandang diri
mencium bumi
semesta rebah
padaMu

sumarah

mrebesmili
tergopoh raih
idul fitri

kracak (Rabu, 6 Agustus 2013)/28 Romadhon 1434 H

Wanto Tirta

MUDIK

motor pit pating sliwer
elur ngebeki gili
padha boncengan
gawanane pating grandil

bis lan kendaraan liane
tumplek blek neng dalan
sing numpak rengosan
sepranak melu kabeh
sek-sekan ped-empedan
arep ambekan bae angel ngempose

Iwak blanak iwak gereh

Mlaku lindik baris elur

Wong sepranak melu kabeh

Bali mudik niliki sedulur

sepur elur nrucuk ril sedawan-dawan
prau pating krumbul kampul-kampul neng segara
motor mabur pating sleber neng langit

koper gerdus dompet seisine lan sapanunggalane
berkat luruh pahal neng saba paran
degawa kabeh

najan wis kalakon mataun-taun
tetep dadi kawigaten
wong sing padha ndandheng ilen-ilen

tuku bandeng deret detata

detata rapi bungkuse ijo

lawas dandeng ngode neng kota

golet rejeki go anak bojo

kangen kulawarga lan desa
jerumi ati
mangkane terus kemrejot pengin bali
amung nedak siti utah getih
nembah maring bapa biyung

asung pasrah kaluputan

            iwak sepat bumbune pera
            menawi lepat nyuwun ngapura

kracak, 7082013; 29 Romadhon 1434

Wanto Tirta

SILATUROKHIM

mangan bakwan ora krasa,
weruh jaburan kluban slada;
mau awan pada puasa,
wengi takbiran ngesuk bada.
nyenggol pulut neng para,
salah luput dengapura.
taqobalallohu minna wa minkun, mainal aizin wal faizin.
dodol es krim maju mundur,
ayuh silaturahim nyambung sedulur.
cendrawasih nyucuk soun,
trimakasih matur nuwun...

8-8-2013-1 syawal 1434